Instituto Profissional de Canossa (IPDC) hari iha loron 10 de setembro 2013 husi madre canossiana sira, nu’udar sira nia kompromisu atu kontribui ba nasaun hodi eduka foin sa’e Timor oan sira, nune’e hola parte iha dezemvolvimento nasaun foun ne’ebe foin hari nia an. Rekonhese katak Timor Leste precisa prepara ema ne’ebe Professional tuir rai nia precisa, nune’e instituto hahu ho departamento rua: Gestaun administrativo no enjenharia computador ho nivel bacharelatu ne’ebe la’o husi tinan 2003 to’o ohin loron. Iha tinan 2013, loke tan programa enjenharia informatika ba nivel lisensiatura. Ba tinan 2016, ekstende mos nia program jestaun administrativo ba nivel lisensiatura.Preparativus hirak ne’e hotu ikus mai resulta iha hari escola ho naran Instituto Profissional de Canossa (IPDC), iha loron 10 de setembro 2003, iha okaziaun inagurasaun Salaun Me. Erminia ho Me. Celeste, no inagurasaun IPDC ne’ebe hala’o husi Mgr. Renato Martino nudar Presidente Path to Peace Foundation (Benfeitor boot IPDC nian). Me. Violeta ikus mai nomeia nudar directora IPDC ba dahuluk durante tinan tolu. Hafoin iha tinan 2007 troka fali ho Me. Terezinha do MJG, FdCC. Iha tinan 2007 ne’e duni IPDC hamutuk ho Instituisoens sira seluk hahu halao prosesu akreditasaun. Nune’e iha tinan 2009, IPDC konsege hetan Akreditasaun inisial ho valor 92,88%, no hetan estatutu Akreditadu ho despacho Ministerial numero 34/GM-ME/IX/2009. Baseia ba achievement ida ne’e, mak IPDC hala’o ninia primeira Graduasaun iha loron 5 de desembro 2009 ba ninia finalistas na’in 49.
0 comments:
Post a Comment